വിജ്ഞാനവേദി റമസാന്‍ പ്രഭാഷണം ഞായറാഴ്‌ച മുതല്‍

വിജ്ഞാനവേദി റമസാന്‍ പ്രഭാഷണം ഞായറാഴ്‌ച മുതല്‍
കാഞ്ഞങ്ങാട്‌: വിജ്ഞാന വേദിയുടെ ആഭിമുഖ്യത്തിലുള്ള റമസാന്‍ പ്രഭാഷണം ഞായറാഴ്‌ച മുതല്‍ എല്ലാ ഞായറാഴ്‌ചകളിലും നോര്‍ത്ത്‌കോട്ടച്ചേരി ഹിറാ പബ്ലിക്‌ സ്‌കൂളില്‍ നടത്താന്‍ വേദി യോഗം തീരുമാനിച്ചു.നാളെ 1.30 ന്‌ വി.കെ. ഹംസ അബ്ബാസ്‌ പ്രഭാഷണം ഉദ്‌ഘാടനം ചെയ്യും. പടന്ന ജുമാമസ്‌ജിദ്‌ ഖത്തീബ്‌ ഉമര്‍ ഹുദവി പ്രഭാഷണം നടത്തും. തുടര്‍ന്നുള്ള ഞായറാഴ്‌ചകളില്‍ പ്രശസ്‌ത പണ്‌ഡിതരും വാഗ്മികളും പ്രഭാഷണം നടത്തും. പാണക്കാട്‌ സയ്യിദ്‌ മുഹമ്മദലി ശിഹാബ്‌ തങ്ങള്‍, ഇ.എം. അബ്‌ദുല്‍ ഹക്കീം മൗലവി എന്നിവരുടെ നിര്യാണത്തില്‍ യോഗം അനുശോചിച്ചു. ട്രഷറര്‍ എ.ഹമീദ്‌ ഹാജി അധ്യക്ഷത വഹിച്ചു. ജനറല്‍ സെക്രട്ടറി അഡ്വ. എന്‍.എ. ഖാലിദ്‌, ടി. മുഹമ്മദ്‌ അസ്‌ലം, സി. മുഹമ്മദ്‌കുഞ്ഞി, എം. ഇബ്രാഹിം, പി.പി.കുഞ്ഞബ്‌ദുല്ല, സി.എച്ച്‌. ഇബ്രാഹിം മാസ്റ്റര്‍ പ്രസംഗിച്ചു.