News Highlight: മോഡിയുടെ ഒമാന്‍ യാത്ര റദ്ദാക്കണം: ഇന്ത്യന്‍ മുസ്്ലിംകള്‍

കുവൈത്ത്: ഗുജറാത്തിലെ രണ്ടായിരത്തിലധികം ന്യൂനപക്ഷങ്ങളെ നരഹത്യ നടത്താന്‍ നേതൃത്വം കൊടുത്ത ഗുജറാത്ത് മുഖ്യമന്ത്രി നരേന്ദ്ര മോഡിയുടെ ഒമാന്‍ സന്ദര്‍ശനം റദ്ദാക്കണമെന്ന്‌ ആവശ്യപ്പെട്ട് ഇന്ത്യയിലെ ഒമാന്‍ എംബസ്സിക്ക്‌ വ്യാപക ഇ മെയില്‍ സന്ദേശം. 2002ല്‍ നടത്തിയ കൂട്ടക്കൊലയില്‍ ആംനസ്റ്റി ഇണ്റ്റര്‍നാഷണല്‍, ഹുമന്‍ റൈറ്റ്സ്‌ വാച്ച്‌ തുടങ്ങിയ അന്തര്‍ദ്ദേശീയ സംഘടനകള്‍ വരെ കുറ്റവാളിയായി കാണുന്ന നരേന്ദ്ര മോഡിയെ ഒമാനിലേക്ക്‌ ക്ഷണിക്കരുതെന്നാണ്‌ ഗള്‍ഫിലെങ്ങും വ്യാപകമായി കൈമാറുന്ന ഇ മെയില്‍ പരാതിയില്‍ പരാമര്‍ശിക്കുന്നത്‌. ഈ വര്‍ഷം അവസാനമാണ്‌ നരേന്ദ്ര മോഡിയുടെ നേതൃത്വത്തില്‍ വ്യാപാര പ്രതിനിധി സംഘം നിക്ഷേപം ലക്ഷ്യം വച്ച്്്‌ ഒമാന്‍ സന്ദര്‍ശിക്കുന്നത്‌. ആയിരക്കണക്കിന്‌ ഇന്ത്യന്‍ മുസ്ലിംകളാണ്‌ ഇപ്പോള്‍ തന്നെ ഈ പരാതിയില്‍ ഒപ്പ്‌ വച്ചിരിക്കുന്നത്‌. മുസ്ലിംകളെയും ക്രിസ്ത്യാനികളായ ന്യൂനപക്ഷങ്ങളടക്കമുള്ള സ്ത്രീകളെയും മാനഭംഗപ്പെടുത്താന്‍ കൂട്ട്‌ നിന്ന മോഡിയെ ഒരിക്കലും ഇന്ത്യക്കാര്‍ക്ക്‌ ഉള്‍കൊള്ളാന്‍ കഴിയില്ലെന്നും ഈ സന്ദേശത്തില്‍ പറയുന്നു. അമേരിക്കയും യൂറോപ്യന്‍ രാജ്യങ്ങള്‍ വരെ വിസ നിഷേധിച്ച മോഡിക്ക്‌ ഒമാനടക്കമുള്ള മുസ്്ലിം രാഷ്ട്രങ്ങള്‍ ആഥിത്യം വഹിക്കരുതെന്നും ഇന്ത്യയിലെ മുസ്്ലിംകളുടെ വേദന മനസ്സിലാക്കണമെന്നുമാണ്‌ ഇ മെയില്‍ പരാതിയിലുള്ളത്‌.