ചേറ്റുകുണ്ട്‌- ചിത്താരി കടപ്പുറത്തേക്കുള്ള റോഡിന്‌ കുറുകെ നിര്‍മിച്ച റെയില്‍വെ ഗേറ്റ്‌ ഒന്നരമാസം മുമ്പാണ്‌ റെയില്‍വേ അടച്ചിട്ടത്‌. കെ വി കുഞ്ഞിരാമന്‍ എംഎല്‍എ, പള്ളിക്കര പഞ്ചായത്ത്‌ പ്രസിഡന്റ്‌ എ ബാലകൃഷ്‌ണന്‍, വൈസ്‌പ്രസിഡന്റ്‌ പി കെ അബ്ദുല്‍റഹ്‌മാന്‍, ചേറ്റുകുണ്ട്‌ കടപ്പുറം എല്‍പി സ്‌കൂള്‍ പിടിഎ പ്രസിഡന്റ്‌, ബേക്കല്‍ റിസോര്‍ട്ട്‌ മനേജ്‌മെന്റ്‌, പള്ളികമ്മിറ്റി തുടങ്ങിയവരാണ്‌ ഗേറ്റ്‌ അടച്ചതിനെതിരെ ഹൈക്കോടതിയില്‍ ഹര്‍ജി നല്‍കിയത്‌. റെയില്‍വേക്ക്‌ നല്‍കാനുള്ള പണം ഗഡുക്കളായി നല്‍കാമെന്ന്‌ ബിആര്‍ഡിസി അറിയിച്ചതിനെതുടര്‍ന്നാണ്‌ ഗേറ്റുതുറക്കാന്‍ കോടതി ഉത്തരവിട്ടത്‌. എം കെ ദാമോദരന്‍ ഹരജിക്കാര്‍ക്ക്‌ വേണ്ടി ഹാജരായി. ഡിസംബര്‍ 15ന്‌ ബിആര്‍ഡിസിയുമായി റെയില്‍വേ അധികൃതര്‍ ചര്‍ച്ച നടത്തും.
ഗേറ്റ്‌ അടച്ചിട്ടതിനാല്‍ ചേറ്റുകുണ്ട്‌, ചിത്താരി കടപ്പുറത്തെ നൂറുകണക്കിനാള്‍ക്കാര്‍ ദുരിതത്തിലാണ്‌. സുനാമി പദ്ധതിയുടെ 1.36 കോടി ഉപയോഗിച്ച്‌ ചിത്താരി കടപ്പുറത്തേക്ക്‌ നിര്‍മിക്കുന്ന റോഡ്‌, ഹാര്‍ബര്‍ പണി എന്നിവ നിലച്ചു. ബേക്കല്‍ ടൂറിസവുമായി ബന്ധപ്പെട്ട റിസോര്‍ട്ട്‌ നിര്‍മാണവും നിലച്ചു. ഗേറ്റ്‌ സ്ഥാപിക്കാന്‍ റെയില്‍വെയ്‌ക്ക്‌ ഒരുകോടിയോളം രൂപ ബിആര്‍ഡിസി നല്‍കിയിരുന്നു. വീണ്ടും ഒരുകോടി രൂപ ആവശ്യപ്പെട്ടാണ്‌ റെയില്‍വേ ഗേറ്റടച്ചത്‌.
http://www.kasaragodvartha.com/viewnews.php?id=22831
0 comments:
Post a Comment