ബേക്കല്‍ ഉപജില്ലാ കായികമേള

പെരിയ: ബേക്കല്‍ ഉപജില്ലാ സ്‌കൂള്‍ കായികമേള പുല്ലൂര്‍ ഗവ. യു.പി.സ്‌കൂളില്‍ സമാപിച്ചു. സബ്ബ്ജൂനിയര്‍ വിഭാഗം ബോയ്‌സ്-ജി.യു.പി.എസ്. ബാര 31 പോയിന്റ്‌നേടി ഒന്നാംസ്ഥാനം നേടി. ജി.എച്ച്.എസ്.എസ്.ഉദുമ 16 പോയിന്റ് നേടി രണ്ടാം സ്ഥാനവും നേടി.

സബ് ജൂനിയര്‍ ഗേള്‍സ്-യു.എന്‍.എച്ച്.എസ്. പുല്ലൂര്‍ 23 പോയിന്റ്‌നേടി ഒന്നാംസ്ഥാനം നേടി. ജി.യു.പി.എസ്. അഗസര്‍ഹോള 14 പോയിന്റ്‌നേടി രണ്ടാംസ്ഥാനം നേടി.

കിഡ്ഡീസ് ബോയ്‌സ്-ജി.യു.പി.എസ്.ബാര 23 പോയിന്‍േറാടെ ഒന്നാംസ്ഥാനവും ജി.യു.പി.എസ് പുല്ലൂര്‍ 17 പോയിന്‍േറാടെ രണ്ടാംസ്ഥാനവും നേടി.

കിഡ്ഡീസ് ഗേള്‍സ് വിഭാഗം -ജി.യു.പി.എസ് പുല്ലൂര്‍ 28 പോയിന്‍േറാടെ ഒന്നാംസ്ഥാനംനേടി. ജി.യു.പി.എസ് കരിച്ചേരി 14 പോയിന്‍േറാടെ രണ്ടാംസ്ഥാനവും നേടി.

എല്‍.പി.വിഭാഗം -ക്രസന്റ് ഇംഗ്ലീഷ് മീഡിയം ഉദുമ. ജൂനിയര്‍ ഗേള്‍സ്-ജമാഅത്ത് പടിഞ്ഞാര്‍, ജി.യു.പി.എസ്.കരിച്ചേരി. ചില്‍ഡ്രന്‍സ് ബോയ്‌സ്-ക്രസന്റ് ഇംഗ്ലീഷ് മീഡിയം അജാനൂര്‍, ജി.യു.പി.എസ്.പുല്ലൂര്‍ എന്നീ സ്‌കൂളുകള്‍ യഥാക്രമം ഒന്നും രണ്ടും സ്ഥാനങ്ങള്‍ നേടി.

ചില്‍ഡ്രന്‍ ഗേള്‍സ്-ജമാഅത്ത് ഉദുമ പടിഞ്ഞാര്‍ പതിനഞ്ചും, എല്‍.എല്‍.പി.എസ്. ഉദുമ ഇസ്‌ലാമിയ പത്തും പോയിന്റ് നേടി.

സമാപനസമ്മേളനം പഞ്ചായത്ത് ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ എന്‍.കൃഷ്ണന്‍ ഉദ്ഘാടനംചെയ്തു. എ.ഇ.ഒ ജി.കെ.ശ്രീകണ്ഠന്‍ നായര്‍ അധ്യക്ഷതവഹിച്ചു. പഞ്ചായത്ത് വികസന സ്റ്റാന്‍ഡിങ് കമ്മിറ്റി ചെയര്‍മാന്‍ വിനോദ്കുമാര്‍ പള്ളയില്‍വീട് സര്‍ട്ടിഫിക്കറ്റുകള്‍ വിതരണംചെയ്തു. എ.കൃഷ്ണന്‍, എം.ഇന്ദിര, പി.വി.സരോജനി സംസാരിച്ചു. പി.ടി.എ. പ്രസിഡന്റ് എം.ശ്രീധരന്‍ നമ്പ്യാര്‍ സ്വാഗതവും കെ.രാജീവന്‍ നന്ദിയും പറഞ്ഞു.