മഡിയന്‍ ഉല്‍സവത്തിനിടെ സംഘര്‍ഷം; 17 പേര്‍ക്കെതിരെ കേസ്

മഡിയന്‍ കൂലോം പാട്ടുല്‍സവത്തിനിടയില്‍ നടന്ന സംഘര്‍ഷവുമായി ബന്ധപ്പെട്ട് 17 പേര്‍ക്കെതിരെ ഹോസ്ദുര്‍ഗ് പൊലീസ് കേസെടുത്തു.
മഡിയനിലെ കൃഷ്ണന്റെ മകന്‍ സുരേഷിന്റെ പരാതിയില്‍ സുനില്‍, മോഹനന്‍, രതീഷ്, ഗണേശന്‍, മനേഷ്, മനോജ്, വിനീഷ്, കുഞ്ഞികൃഷ്ണന്‍ എന്നിവര്‍ക്കെതിരെയും ഗണേശന്റെ പരാതിയില്‍ സുരേഷ്, സുനില്‍, സുര്‍ജിത്, നാരായണന്‍, രാജീവന്‍ എന്നിവര്‍ക്കുമെതിരെയാണ് കേസെടുത്തത്.
ഇന്നലെ രാവിലെ ആറിന് പ്രസാദ വിതരണ സമയത്താണ് ഇരുവിഭാഗവും സംഘട്ടനത്തില്‍ ഏര്‍പ്പെട്ടത്.
മുന്‍ ഭരണസമിതിയില്‍പെട്ടവരും നിലവിലുള്ള ഭരണസമിതിയില്‍പെട്ടവരും തമ്മിലുണ്ടായ വാക്കുതര്‍ക്കങ്ങളാണ് സംഘട്ടനത്തില്‍ ഏര്‍പ്പെട്ടതെന്ന് പൊലീസ് പറഞ്ഞു. സംഘട്ടനത്തില്‍ 10 പേര്‍ക്ക് പരിക്കേറ്റിരുന്നു.
ഇവരെ വിവിധ ആശുപത്രികളില്‍ പ്രവേശിപ്പിച്ചു.