മാണിക്കോത്ത് മഖാം ഉറൂസ് ജനുവരി 26 മുതല്‍ 31വരെ

കാഞ്ഞങ്ങാട്: ചരിത്ര പ്രസിദ്ധമായ മാണിക്കോത്ത് മഖാം ഉറൂസ് ജനുവരി 26 മുതല്‍ 31വരെ നടക്കും. 26നു പള്ളിക്കര ഖാസി സി.എച്ച് അബ്ദുല്ല മുസ്ലിയാരുടെ അധ്യക്ഷതയില്‍ കാഞ്ഞങ്ങാട് സംയുക്ത മുസ്ലീം ജമാഅത്ത് ഖാസി സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്യും. തുടര്‍ന്ന് ചുഴലി മുഹിയുദ്ദീന്‍ മുസ്ലിയാര്‍ പ്രഭാഷണം നടത്തും.
27നു സയ്യിദ് ഫസല്‍ കോയമ്മ തങ്ങളുടെ നേതൃത്വത്തില്‍ കൂട്ടപ്രാര്‍ത്ഥന, തുടര്‍ന്ന് ഇസ്ലാമിക കഥാപ്രസംഗം.
28നു കബീര്‍ ഫൈസി ചെറുകാടിന്റെ പ്രഭാഷണം. 29നു ഇബ്രാഹിം മുസ്ലിയാര്‍ (വലിയപള്ളി), 30നു മുഹമ്മദ് അരീക്കല്‍ എന്നിവര്‍ പ്രഭാഷണം നടത്തും.
30നു നടക്കുന്ന കൂട്ടപ്രാര്‍ത്ഥനക്ക് കോഴിക്കോട് വലിയ ഖാസി പാണക്കാട് സയ്യിദ് നാസര്‍ അബ്ദുല്‍ ഹാജി ശിഹാബുദ്ദീന്‍ തങ്ങള്‍ നേതൃത്വം നല്‍കും. 31നു അന്നദാനം. .