മാണിക്കോത്ത് പെരുങ്കളിയാട്ടം: വരച്ചുവെക്കല്‍ ചടങ്ങ് നടന്നു

മാണിക്കോത്ത് മാണിക്യമംഗലം പുന്നക്കാല്‍ ഭഗവതി ക്ഷേത്രത്തില്‍ പെരുങ്കളിയാട്ടത്തിന്റെ ഭാഗമായുള്ള വരച്ചുവെക്കല്‍ ചടങ്ങ് നടന്നു. പയ്യന്നൂര്‍ സദനം നാരായണ പൊതുവാള്‍, പോത്തേര നാരായണന്‍ നമ്പ്യാര്‍, വെള്ളിക്കോത്ത് രത്‌നാകരന്‍ ജ്യോത്സ്യര്‍ എന്നിവര്‍ നേതൃത്വം നല്കി. പെരുങ്കളിയാട്ടത്തില്‍ കെട്ടിയാടുന്ന പ്രധാന തെയ്യക്കോലധാരികളെ ചടങ്ങില്‍ നിശ്ചയിച്ചു. പുന്നക്കാല്‍ ഭഗവതിയുടെ കോലം ബാബു മണക്കാടനും ഉച്ചൂളിക്കടവത്ത് ഭഗവതിയുടെ കോലം കുമാരന്‍ കര്‍ണ മൂര്‍ത്തിയും ധരിക്കും. 150 വര്‍ഷങ്ങള്‍ക്ക് ശേഷമാണ് ക്ഷേത്രത്തില്‍ പെരുങ്കളിയാട്ടം നടക്കുന്നത്.
wwww.sreepunnakkaltemple.org/