ചിത്താരി സൌത്തിലെ എ.കെ അസീസിന്റെ ഭാര്യ ഐസബി (35) പ്രസവത്തിനെ തുടര്‍ന്നു മരണപ്പെട്ടു.

കാഞ്ഞങ്ങാട്: പ്രസവത്തിനിടെ യുവതിയും കുഞ്ഞും മരിച്ചു. അബുദാബിയില്‍ ജോലിചെയ്യുന്ന എ.കെ. അസീസിന്റെ ഭാര്യ മൊട്ടുന്തലയിലെ പരേതനായ മമ്മുവിന്റെ മകള്‍ ആയിഷ്(33)യാണ് മരിച്ചത്. ശനിയാഴ്ച രാവിലെ 11.30 മണിയോടെ മാണിക്കോത്ത് അല്‍ ഫലാഹ് ആശുപത്രിയില്‍ വെച്ചായിരുന്നു മരണം സംഭവിച്ചത്. ഇന്നലെ രാത്രിയാണ് പ്രസവത്തിനായി ആയിഷയെ ആശുപത്രിയില്‍ പ്രവേശിപ്പിച്ചത്. ഇന്ന് രാവിലെ പ്രസവത്തിനിടയില്‍ പെട്ടെന്ന് രക്ത സമ്മര്‍ദ്ദമുണ്ടാവുകയും ആദ്യം കുട്ടി മരണപ്പെടുകയുമായിരുന്നു. തുടര്‍ന്ന് ആയിഷയുടെ ജീവന്‍ രക്ഷിക്കാന്‍ ഡോക്ടര്‍മാര്‍ നടത്തിയ പരിശ്രമം വിഫലമാവുകയുമായിരുന്നു. പ്ലസ് വണ്‍ വിദ്യാര്‍ത്ഥിനി ജുബൈദിയ, ചിത്താരി ജമാഅത്ത് ഇംഗ്ലീഷ് മീഡിയം ഹയര്‍ സെക്കന്ററി സ്ക്കൂളിലെ മുഹമ്മദ് എന്നിവര്‍ മക്കളാണ്. മരണ വിവരമറിഞ്ഞ് അബുദാബിയിലുള്ള അസീസ് നാട്ടിലേക്ക് പുറപ്പെട്ടിട്ടുണ്ട്. വൈകിട്ട് ആറു മണിയോടെ മംഗലാപുരം വിമാനതാവളം വഴി നാട്ടിലെത്തിയ ശേഷം രാത്രി 10മണിയോടെ സൗത്ത് ചിത്താരി ജുമാ മസ്ജിദ് ഖബര്‍സ്ഥാനില്‍ ഖബറടക്കും.ആയിഷയുടെയും കുഞ്ഞിന്റെയും മരണം സൗത്ത് ചിത്താരി ഗ്രാമത്തെ കണ്ണീരിലാഴ്ത്തി