അമ്പലത്തറയില്‍ കോഴി ഫാം തകര്‍ത്ത്‌ 500 ഓളം കോഴികുഞ്ഞുങ്ങളെ വാട്ടര്‍ ടാങ്കിലിട്ട്‌ മുക്കി കൊന്നു

on Jun 8, 2010

അമ്പലത്തറയില്‍ സി.പി.എം-ബി.ജെ.പി സംഘഷം; ബി.ജെ.പി പ്രവര്‍ത്തകയുടെ കോഴി ഫാം തകര്‍ത്ത്‌ 500 ഓളം കോഴികുഞ്ഞുങ്ങളെ വാട്ടര്‍ ടാങ്കിലിട്ട്‌ മുക്കി കൊന്നു
കാഞ്ഞങ്ങാട്‌: അമ്പലത്തറ പേരൂരില്‍ സി.പി.എം-ബി.ജെ.പി സംഘര്‍ഷം. ബി.ജെ.പി പ്രവര്‍ത്തകയുടെ കോഴി ഫാം തകര്‍ത്ത്‌ 500 ഓളം കോഴി കുഞ്ഞുങ്ങളെ വാട്ടര്‍ ടാങ്കിലിട്ട്‌ മുക്കി കൊന്നു. ചൊവ്വാഴ്‌ച്ച പുലര്‍ച്ചെയാണ്‌ സംഭവം പേരൂര്‍ ഗുളികന്‍ ഭണ്ഡാരത്തിന്‌ സമീപത്തെ ബി.ജെ.പി പ്രവര്‍ത്തകയായ കെ.ബി. മാധവിയുടെ കോഴി ഫാമാണ്‌ സി.പി.എം പ്രവര്‍ത്തകര്‍ എന്നാരോപിക്കുന്നവര്‍ തകര്‍ത്ത്‌ കോഴികുഞ്ഞുങ്ങളെ പ്ലാസ്‌റ്റിക്ക്‌ വാട്ടര്‍ ടാങ്കിലിട്ട്‌ മുക്കി കൊന്നത്‌. ചൊവ്വാഴ്‌ച്ച രാവിലെ കോഴികള്‍ക്ക്‌ തീറ്റകൊടുക്കാനെത്തിയ മാധവിയാണ്‌ കോഴി ഫാമിന്റെ വാതില്‍ തുറന്നു കടക്കുന്നതായി കണ്ടതിനെ തുടര്‍ന്ന്‌ അന്വേഷിച്ചപ്പോള്‍ വാട്ടര്‍ ടാങ്കിനടുത്തേക്ക്‌ വാട്ടര്‍ പൈപ്പ്‌ നിക്ഷേപിച്ച നിലയിലായിരുന്നു. അകത്ത്‌ തുറന്നു നോക്കിയപ്പോഴാണ്‌ 500 ഓളം കോഴി കുഞ്ഞുങ്ങളെ മുക്കി കൊന്ന നിലയില്‍ കാണപ്പെട്ടത്‌. നേരത്തെ സി.പി.എം പ്രവര്‍ത്തകയായിരുന്ന മാധവി അടുത്തകാലത്താണ്‌ ബി.ജെ.പിയില്‍ ചേര്‍ന്നത്‌. മാധവിയുടെ ഭര്‍ത്താവ്‌ ഭാസ്‌ക്കരന്റെ ആദ്യ ഭാര്യയിലെ ബന്ധുക്കളാണ്‌ കോഴി ഫാം തകര്‍ത്ത്‌ കോഴി കുഞ്ഞുങ്ങളെ കൊന്നതെന്ന്‌ മാധവി അമ്പലത്തറ പോലീസില്‍ പറഞ്ഞു. സി.പി.എം പ്രവര്‍ത്തകരായ ഇവര്‍ മാധവിക്ക്‌ നേരെ ഭീഷണി മുഴക്കിയിരുന്നതായി പറയുന്നു. അമ്പലത്തറ പോലീസ്‌ കേസെടുത്ത്‌ അന്വേഷണം ആരംഭിച്ചു. പ്രതികള്‍ എന്ന്‌ ആരോപിക്കപ്പെടുന്നവര്‍ ഒളിവിലാണെന്ന്‌ പോലീസ്‌ അറിയിച്ചു

0 comments:

Post a Comment

DESIGN AND CONCEPT By Shafi Mubarak, Chithari ശാഫി മുബാറക്ക് ചിത്താരി Email :shafichithari@gmail.com