കാഞ്ഞങ്ങാട്‌ അരിമല ഹോസ്‌പിറ്റല്‍ ഉടമ ഡോ: എം.എ. അഹ്‌മദ്‌ നിര്യാതനായി

on Jun 23, 2010

കാഞ്ഞങ്ങാട്‌: കാഞ്ഞങ്ങാട്ടെ അരിമല ഹോസ്‌പിറ്റല്‍ ഉടമയും ആദ്യകാല ഡോക്‌ടറും പൗരപ്രമുഖകനും സാമൂഹിക പ്രവര്‍ത്തകനുമായിരുന്ന ഡോ. എം.എ. അഹ്‌മദ്‌ (75) നിര്യാതനായി. ഇന്നു രാവിലെ ആറുമണിക്ക്‌ സ്വവസതിയില്‍വെച്ചാണ്‌ അന്ത്യം. കാഞ്ഞങ്ങാടിന്റെ വിദ്യാഭ്യാസ രംഗത്ത്‌ മാതൃകാപരമായ സംഭാവനകള്‍ നല്‍കുന്നതില്‍ മുന്‍പന്തിയിലായിരുന്നു. കഞ്ഞങ്ങാട്‌ മുസ്‌ലിം യതീംഖാന, ഇഖ്‌ബാല്‍ ഹയര്‍ സെക്കന്‍ഡറി സ്‌കൂള്‍ എന്നിവയുടെ സ്ഥാപകനേതാക്കളിലൊരാളും ദീര്‍ഘകാലം പ്രസിഡന്റുമായിരുന്നു. സമൂഹത്തിലെ നിര്‍ധന രോഗികള്‍ക്കും അവശതയനുഭവിക്കുന്ന പാവപ്പെട്ട കുടുംബങ്ങള്‍ക്കും എന്നും ആശ്രയമായിരുന്നു. ഭാര്യ: ഫാത്തിമ (ഉള്ളാള്‍). മക്കള്‍: ഡോ. അബ്‌ദുല്‍ അസീസ്‌ (അരിമല ഹോസ്‌പിറ്റല്‍), ഡോ. മുഹമ്മദ്‌ അഫ്‌സല്‍ (കെയര്‍വെല്‍ ഹോസ്‌പിറ്റല്‍), ആയിഷ നസീറ. മരുമക്കള്‍: റഷീദ്‌, ഡോ. ഷമീമ അസീസ്‌, ഷമീന അഫ്‌സല്‍. കാഞ്ഞങ്ങാട്‌ മുബാറക്‌ ജുമാ മസ്‌ജിദ്‌ അങ്കണത്തില്‍ വൈകിട്ട്‌ ഖബറടക്കും.

0 comments:

Post a Comment

DESIGN AND CONCEPT By Shafi Mubarak, Chithari ശാഫി മുബാറക്ക് ചിത്താരി Email :shafichithari@gmail.com