ചിത്താരി കടപ്പുറത്ത്‌ കടല്‍ ഭിത്തി നിര്‍മ്മിക്കണം: ഭാരതീയ മത്സ്യ പ്രവര്‍ത്ത സംഘം

ചിത്താരി: കടല്‍ ക്ഷോഭം ശക്തിപ്രാപിക്കുമ്പോള്‍ കടലാക്രമണ ഭീഷണി നേരിടുന്ന ചിത്താരികടപ്പുറത്ത്‌ അടിയന്തിരമായി കടല്‍ ഭിത്തി നിര്‍മ്മിക്കാന്‍ സര്‍ക്കാര്‍ തയ്യാറാകണമെന്ന്‌ ഭാരതീയ മത്സ്യപ്രവര്‍ത്തക സംഘം ഗ്രാമസമിതി ആവശ്യപ്പെട്ടു. കഴിഞ്ഞ ഇരുപതിലേറെ വര്‍ഷമായി പ്രദേശ വാസികള്‍ ഈ ആവശ്യമുന്നയിച്ചിട്ടും കണ്ണു തുറക്കാത്ത അധികാരികള്‍ നിഷ്‌ക്രിയത്വം വെടിഞ്ഞ്‌ കടല്‍ ഭിത്തി യാഥാര്‍ത്ഥ്യമാക്കുവാന്‍ തയ്യാറാകണമെന്നും അല്ലാത്ത പക്ഷം ശക്തമായ സമരപരിപാടികള്‍ക്ക്‌ മത്സ്യപ്രവര്‍ത്തക സംഘം നേതൃത്വം നല്‍കുവാനും ഗ്രാമസമിതി തീരുമാനിച്ചു. ചിത്താരി കടപ്പുറത്ത്‌ നടന്ന ഗ്രാമസമിതി കണ്‍വെന്‍ഷനില്‍ സംസ്ഥാന ജനറല്‍ സെക്രട്ടറി എന്‍.പി. രാധാകൃഷ്‌ണന്‍ സംസാരിച്ചു. ഗ്രാമസമിതി ഭാരവാഹികളായി സി.കെ. ഉമേശന്‍ (പ്രസിഡണ്ട്‌), കെ. സുഗുണന്‍ (സെക്രട്ടറി), സുഭാഷ്‌ പുഞ്ചവയല്‍ (വൈസ്‌ പ്രസിഡണ്ട്‌), കെ. രാജേഷ്‌ (ജോ.സെക്രട്ടറി), സി.കെ. രാജു (ഖജാന്‍ജി) എന്നിവരെയും സമിതി അംഗങ്ങളായി കെ. ബിന്ദു, കെ. ഭാസ്‌ക്കരന്‍, ഷാജി, സി.കെ. സതീശന്‍ എന്നിവരെയും തെരഞ്ഞെടുത്തു