നിലവിലുള്ള സ്ഥാനങ്ങള്‍ രാജിവെക്കില്ല: സിറാജ്‌ സേഠ്‌

ബേക്കല്‍: തെരഞ്ഞെടുക്കപ്പെട്ട സീറ്റുകള്‍ രാജിവെക്കില്ലെന്നും, നോമിനേറ്റ്‌ സ്ഥാനങ്ങള്‍ ഒഴിയുമെന്നും ഐഎന്‍.എല്‍ അഖിലേന്ത്യാ സെക്രട്ടറി സിറാജ്‌ സേഠ്‌ ബേക്കലില്‍ പറഞ്ഞു. പുതിയ പശ്ചാത്തലത്തില്‍ സി.പി.എം. നിലപാട്‌ ക്രിസ്‌ത്യന്‍-മുസ്‌ലിം മത ന്യൂനപക്ഷങ്ങള്‍ക്ക്‌ അനുയോജ്യമല്ല. മുഖ്യമന്ത്രി നടത്തിയ പ്രസ്ഥാവന ദൂര വ്യാപക പ്രത്യാഘാതങ്ങള്‍ ഉണ്ടാക്കുമെന്നും സിറാജ്‌ സേഠ്‌ അഭിപ്രായപ്പെട്ടു. യു.ഡി.എഫില്‍ ഒരു മിച്ച്‌ പ്രവര്‍ത്തിക്കാനുള്ള മേഖല കണ്ടെത്തി. ചര്‍ച്ചക്കുള്ള സമയം അതിക്രമിച്ച്‌ കഴിഞ്ഞെന്നും സിറാജ്‌ സേഠ്‌ പറഞ്ഞു. എല്‍.ഡി.എഫുമായി ബന്ധം വിച്ഛേദിച്ചു. ഐഎന്‍.എലിന്‌ വരുന്ന തദ്ദേശസ്വയംഭരണ തെരഞ്ഞെടുപ്പിനെ നേരിടുക എന്നതാണ്‌ ലക്ഷ്യം. കെ.പി.സി.സിയില്‍ നിന്നും ഇതുവരെ ആരും ബന്ധപ്പെട്ടിട്ടില്ലെന്നും ചോദ്യങ്ങള്‍ക്ക്‌ മറുപടിയായി പറഞ്ഞു.