അജാനൂര്‍ പഞ്ചായത്തിലും ക്രമക്കേട്‌; തിരഞ്ഞെടുപ്പ്‌ കമ്മീഷന്‌ പരാതി

on Jul 8, 2010

കാഞ്ഞങ്ങാട്‌: അജാനൂര്‍ പഞ്ചായത്തിലും വോട്ടര്‍ പട്ടിക തയ്യാറാക്കിയതില്‍ വന്‍ക്രമക്കേെടന്ന്‌ ആക്ഷേപം. ഇടതുമുന്നണിക്ക്‌ ഭൂരിപക്ഷം കിട്ടുന്ന വിധത്തിലുള്ള വോട്ടര്‍ പട്ടികയാണ്‌ എല്ലാവാര്‍ഡുകളിലും തയ്യാറാക്കിയിരിക്കുന്നത്‌. തദ്ദേശ സ്വയംഭരണസ്ഥാപനങ്ങളിലേക്കുള്ള തിരഞ്ഞെടുപ്പിനായി അജാനൂര്‍ പഞ്ചായത്ത്‌ ജൂലായ്‌ ഒന്നിന്‌ പുറത്തിറക്കിയ വോട്ടര്‍ പട്ടികയില്‍ നിറയെ അപാകതകളുള്ളതിനാല്‍ ഈ പ്രശ്‌നത്തിന്‌ പരിഹാരം കാണാന്‍ അടിയന്തിര നടപടി സ്വീകരിക്കണമെന്നാവശ്യപ്പെട്ട്‌ യു ഡി എഫ്‌ തിരഞ്ഞടുപ്പ്‌ കമ്മീഷന്‌ പരാതി നല്‍കി. ക്രമക്കേട്‌ സംബന്ധിച്ച്‌ സമഗ്രമായ അന്വേഷണം നടത്തണമെന്ന്‌ അജാനൂര്‍ 15-ാം വാര്‍ഡ്‌ മുസ്‌്‌ലിം ലീഗ്‌ കൗണ്‍സില്‍ യോഗം അധികൃതരോടാവശ്യപ്പെട്ടു.

0 comments:

Post a Comment

DESIGN AND CONCEPT By Shafi Mubarak, Chithari ശാഫി മുബാറക്ക് ചിത്താരി Email :shafichithari@gmail.com