യുവാവിനെ കാര്‍ തടഞ്ഞ് അക്രമിച്ച സംഭവത്തില്‍ മൂന്ന് പേര്‍ക്കെതിരെ കേസ്

കാഞ്ഞങ്ങാട്: യുവാവിനെ കാര്‍ തടഞ്ഞ് അക്രമിച്ച്‌ പരിക്കേല്‍പിച്ച സംഭവത്തില്‍ മൂന്ന് പേര്‍ക്കെതിരെ ഹൊസ്ദുര്‍ഗ് പോലീസ് കേസെടുത്തു. അജാനൂര്‍ കൊത്തിക്കാലിലെ ശിഹാബി (30)നെ മര്‍ദ്ദിച്ചതിന് രാജേഷ്, അജീഷ്, ശൈജു, തുടങ്ങിയവര്‍ക്കെതിരെയാണ് പോലീസ് കേസെടുത്തത്. കഴിഞ്ഞ ദിവസം മത്തായിമുക്കിലെ ഭാര്യവീട്ടില്‍ പോയി മടങ്ങുമ്പോഴാണ് ശിഹാബിനെ കാര്‍ തടഞ്ഞ് ആക്രമിച്ച് പരിക്കേല്‍പിച്ചത്. മുന്‍വിരോധമാണ് ആക്രമത്തിന് കാരണമെന്ന് പറയുന്നു. ആക്രമത്തില്‍ പരിക്കേറ്റ ശിഹാബിനെ കാഞ്ഞങ്ങാട് സ്വകാര്യാശുപത്രിയില്‍ പ്രവേശിപ്പിച്ചു.