പര്‍ദ ധരിച്ചു ബസില്‍ മോഷണം

കാഞ്ഞങ്ങാട്: പര്‍ദ അണിഞ്ഞ് ബസില്‍ കയറി യാത്രക്കാരുടെ പണം മോഷ്ടിച്ച സഹോദരങ്ങളായ രണ്ട് തമിഴ് നാടോടി സ്ത്രീകളെ ഹൊസ്ദുര്‍ഗ് പൊലീസ് അറസ്റ്റ് ചെയ്തു. തമിഴ്നാട് മേട്ടുപ്പാളയത്തെ നാഗമ്മ(25), സഹോദരി വെള്ളയമ്മ (22) എന്നിവരാണ് അറസ്റ്റിലായത്. മാവുങ്കാല്‍ ഭാഗത്ത് നിന്ന് കാഞ്ഞങ്ങാട് ബസ് സ്റ്റാന്‍ഡിലേക്ക് വരികയായിരുന്ന സ്വകാര്യ ബസിലെ യാത്രക്കാരിയുടെ പതിനായിരം രൂപ കാണാതായതിപ്പോള്‍ ബഹളം വച്ചതിനെ തുടര്‍ന്ന് പൊലീസ് നടത്തിയ പരിശോധനയിലാണ് നാടോടി സ്ത്രീകള്‍ കുടുങ്ങിയത്. പരിശോധനയ്ക്കിടയില്‍ പതിനായിരം രൂപയും മറ്റൊരു യാത്രക്കാരിയുടെ പഴ്സും ഇവരില്‍ നിന്നും കണ്ടെത്തി. ഹൊസ്ദുര്‍ഗ് കോടതിയില്‍ ഹാജരാക്കിയ ഇരുവരെയും രണ്ടാഴ്ചത്തേക്ക് റിമാന്‍ഡ് ചെയ്തു.