കൊളവയല്‍ ബാലഗോകുലം ശോഭയാത്ര

കൊളവയല്‍:കൊളവയല്‍ നിവേദിത ബാലഗോകുലത്തിന്റെ ആഭിമുഖ്യത്തില്‍ സപ്ത. 1ന് നടക്കുന്ന ശ്രീകൃഷ്ണജയന്തി ബാലദിനാഘോഷം ശോഭയാത്രയ്ക്ക് സ്വാഗതസംഘം രൂപവത്കരിച്ചു. കൊളവയല്‍ ഗണേശന്റെ അദ്ധ്യക്ഷതയില്‍ ചേര്‍ന്ന യോഗത്തില്‍ 51 അംഗ സ്വാഗതസഘം രൂപവത്കരിച്ചു. പൊയ്‌നാച്ചി നാരായണന്‍, ബി.കെ.നാരായണന്‍, കെ.വി.നാരായണന്‍ എന്നിവരെ രക്ഷാധികാരികളായും, പ്രസിഡന്റായി കൊളവയല്‍ കുഞ്ഞിരാമനെയും വൈസ്​പ്രസിഡന്റുമാരായി അംബികാബാബു, രവി കൊളവയല്‍, കാര്യദര്‍ശിയായി പി.കെ.ശ്രീധരനെയും, ട്രഷററായി കെ.വി.ഗണേശനെയും ആഘോഷപ്രമുഖായി കൊത്തിക്കാല്‍ അശോകനെയും തിരഞ്ഞെടുത്തു.ശോഭയാത്ര കൊളവയല്‍ ജങ്ഷനില്‍ നിന്ന് പുറപ്പെട്ട് മാണിക്കോത്ത് അജാനൂര്‍ മണ്ഡലം ശോഭയോടൊപ്പം നഗരപ്രദക്ഷിണം നടത്തി പുതിയകോട്ട മാരിയമ്മന്‍ കോവിലില്‍ സമാപിക്കും.