കുണിയയിലെ സിദ്ധന്റെ വീട്ടില്‍ പോലീസ് റെയ്ഡ്

കാഞ്ഞങ്ങാട്: കുണിയയിലെ സിദ്ധന്റെ വീട്ടില്‍ പോലീസ് റെയ്ഡ് നടത്തി. മാസങ്ങളോളമായി കുണിയയില്‍ ഒരു വീട് കേന്ദ്രീകരിച്ച് മന്ത്രവാദം, ജിന്ന് ചികിത്സ തുടങ്ങിയവയുടെ പേരില്‍ തട്ടിപ്പ് നടത്തി വന്ന വ്യാജ സിദ്ധന്റെ വീട്ടിലാണ് കാഞ്ഞങ്ങാട് ഡി.വൈ.എസ്.പി എസ് ചെറിയാന്റെ നേതൃത്വത്തില്‍ റെയ്ഡ് നടത്തിയത്‌. വീട്ടില്‍ നിന്നും പോലീസിന് ഒന്നും കണ്ടെത്താന്‍ പറ്റിയില്ല. റെയ്ഡില്‍ ഡി.വൈ.എസ്.പിയോടൊപ്പം കാഞ്ഞങ്ങാട് സി.ഐ, ബേക്കല്‍ എസ്.ഐ എന്നിവരും മറ്റ് വനിതാപോലീസും ഉണ്ടായിരുന്നു.