കാഞ്ഞങ്ങാട് മിനിലോറിയും ബൈക്കും കൂട്ടിയിടിച്ച് വിവേകാനന്ദ വിദ്യാലയം ക്ളര്‍ക്കു മരിച്ചു

കാഞ്ഞങ്ങാട്: ടെമ്പോയും ബൈക്കും കൂട്ടിയിടിച്ച് ബൈക്ക് യാത്രക്കാരന്‍ മരിച്ചു. കൊളവയല്‍ വിവേകാനന്ദ വിദ്യാലയം ക്ളര്‍ക്കും കൊളവയല്‍ സ്വദേശിയുമായ ജയകുമാര്‍ (28) ആണ് മരിച്ചത്. ഇന്നലെ രാത്രി അലാമിപ്പള്ളിയിലാണ് അപകടം. ജയകുമാര്‍ കൊളവയല്‍ ബൂത്ത് ബി.ജെ.പി. സെക്രട്ടറിയാണ്. ശ്രീധരന്‍-കമലാക്ഷി ദമ്പതികളുടെ മകനാണ്. സഹോദരങ്ങള്‍: പ്രകാശന്‍, ജയരാജന്‍, നിര്‍മ്മല. ടെമ്പോ ഡ്രൈവര്‍ കണ്ണൂര്‍ ആയിക്കരയിലെ മനോജിനെതിരെ ഹൊസ്ദുര്‍ഗ് പൊലീസ് കേസെടുത്തു. മൃതദേഹം ജില്ലാ ആസ്പത്രിയില്‍ പോസ്റുമോര്‍ട്ടം നടത്തി. സഹോദരങ്ങള്‍ : രാജന്‍ (ഗള്‍ഫ്), പ്രകാശന്‍, നിര്‍മ്മല. രാജന്‍ ഗള്‍ഫില്‍ നിന്നും എത്തിയ ശേഷം നാളെ മൃതദേഹം സംസ്‌കരിക്കും.