കാഞ്ഞങ്ങാട്: കോട്ടച്ചേരി റെയില്‍വേ മേല്‍പാലം യാഥാര്‍ഥ്യമാക്കണമെന്നാവശ്യപ്പെട്ട് ജനകീയ സമര പ്രക്ഷോഭം തുടങ്ങുന്നു. ഇതിന്‍െറ ഭാഗമായി ജനകീയ സമര പ്രക്ഷോഭ കണ്‍വെന്‍ഷന്‍ സംഘടിപ്പിക്കും.
ജൂലൈ 15ന് വൈകീട്ട് നാലിന് ആവിക്കര എ.എല്‍.പി സ്കൂളിലാണ് തീരദേശ വികസന സമിതിയുടെ നേതൃത്വത്തില്‍ കണ്‍വെന്‍ഷന്‍ സംഘടിപ്പിക്കുന്നത്. മേല്‍പാല നിര്‍മാണത്തിനായുള്ള ആക്ഷന്‍ കമ്മിറ്റി രൂപവത്കരണവും തുടര്‍ന്നുള്ള പ്രക്ഷോഭ പരിപാടികള്‍ തയാറാക്കലുമാണ് കണ്‍വെന്‍ഷന്‍െറ മുഖ്യ അജണ്ട.
കാല്‍നൂറ്റാണ്ട് കാലത്തിലേറെയായി കാഞ്ഞങ്ങാട്ടെ ജനങ്ങള്‍ ഒന്നടങ്കം മുറവിളി കൂട്ടിവരുന്ന സ്വപ്ന പദ്ധതിയാണ് കോട്ടച്ചേരി റെയില്‍വേ മേല്‍പാലം. കാഞ്ഞങ്ങാട് മുനിസിപ്പാലിറ്റി, അജാനൂര്‍ പഞ്ചായത്തിന്‍െറ തീരപ്രദേശങ്ങളിലെ ആയിരക്കണക്കിന് ജനങ്ങള്‍ക്ക് ഏറെ ഉപകാരം ലഭിക്കുന്നതും തീരപ്രദേശങ്ങളോടൊപ്പം കാഞ്ഞങ്ങാട് നഗരത്തിന്‍െറ സമഗ്ര പുരോഗതിക്കും വഴിവെക്കുന്നതാണ് മേല്‍പാലം. ഇതിന്‍െറ അനുമതിക്കായി നാട്ടുകാരും ജനപ്രതിനിധികളും കൂട്ടായി നടത്തിയ ശ്രമത്തിന്‍െറ ഫലമായി കഴിഞ്ഞ മൂന്നുവര്‍ഷം മുമ്പാണ് കേന്ദ്രസര്‍ക്കാര്‍ ബജറ്റില്‍ ഒരുകോടി രൂപ വകയിരുത്തി നിര്‍മാണ പ്രവര്‍ത്തനത്തിന് അനുമതി നല്‍കിയത്. തുടര്‍ന്ന് നിര്‍മാണ പ്രവര്‍ത്തനം റോഡ്സ് ആന്‍ഡ് ബ്രിഡ്ജസ് കോര്‍പറേഷന്‍ ഏറ്റെടുത്തു. സര്‍വേ നടപടികള്‍ പൂര്‍ത്തിയാക്കുകയും സ്ഥലം ഏറ്റെടുക്കല്‍ നടപടികള്‍ ആരംഭിക്കുകയും ചെയ്ത ഘട്ടത്തില്‍ പ്രദേശത്തെ ചില സ്ഥലം ഉടമകള്‍ കോടതിയെ സമീപിച്ചതോടെയാണ് മേല്‍പാലം നിര്‍മാണം അനിശ്ചിതത്വത്തിലായത്. ഒടുവില്‍, മേല്‍പാലം നഷ്ടമാകുമെന്ന സ്ഥിതിയാണ് ഉള്ളതെന്നും ഈ സാഹചര്യത്തിലാണ് മേല്‍പാലം യഥാര്‍ഥ്യമാക്കുന്നതിന് ആക്ഷന്‍ കമ്മിറ്റിക്ക് രൂപം നല്‍കുന്നതെന്നും ഭാരവാഹികള്‍ പറഞ്ഞു.
തീവണ്ടികളുടെ എണ്ണം വര്‍ധിച്ചതോടെ കാഞ്ഞങ്ങാട്ടെ മൂന്ന് റെയില്‍വേ ഗേറ്റുകളും അധിക സമയവും അടച്ചിടേണ്ടിവരുന്നുണ്ട്. ഇത് കാരണം തീരപ്രദേശത്തേക്കുള്ള വാഹനയാത്ര അതീവ ദുസ്സഹമാവുകയാണ്. സ്വാമി നിത്യാനന്ദ പോളിടെക്നിക് ആന്‍ഡ് എന്‍ജി. കോളജ്, ഇഖ്ബാല്‍ ഹയര്‍സെക്കന്‍ഡറി സ്കൂള്‍, ഹോസ്ദുര്‍ഗ് കടപ്പുറം, ക്രസന്‍റ് ഹയര്‍സെക്കന്‍ഡറി സ്കൂള്‍ തുടങ്ങി നിരവധി വിദ്യാഭ്യാസ സ്ഥാപനങ്ങളും അജാനൂര്‍ കടപ്പുറം നിര്‍ദിഷ്ട ഫിഷറീസ് തുറമുഖം, മത്സ്യബന്ധന കേന്ദ്രങ്ങള്‍, തീരദേശ ടൂറിസ്റ്റ് കേന്ദ്രങ്ങള്‍, അജാനൂര്‍ കടപ്പുറം കുറുംബ ഭഗവതി ക്ഷേത്രം, സിയാറത്തിങ്കര മഖാം, മുട്ടുന്തല മഖാം തുടങ്ങിയ നിരവധി ഹൈന്ദവ, മുസ്ലിം തീര്‍ഥാടന കേന്ദ്രങ്ങളും ഈ ഭാഗങ്ങളിലാണ് സ്ഥിതി ചെയ്യുന്നത്.
കാല്‍നൂറ്റാണ്ട് കാലത്തിലേറെയായി കാഞ്ഞങ്ങാട്ടെ ജനങ്ങള്‍ ഒന്നടങ്കം മുറവിളി കൂട്ടിവരുന്ന സ്വപ്ന പദ്ധതിയാണ് കോട്ടച്ചേരി റെയില്‍വേ മേല്‍പാലം. കാഞ്ഞങ്ങാട് മുനിസിപ്പാലിറ്റി, അജാനൂര്‍ പഞ്ചായത്തിന്‍െറ തീരപ്രദേശങ്ങളിലെ ആയിരക്കണക്കിന് ജനങ്ങള്‍ക്ക് ഏറെ ഉപകാരം ലഭിക്കുന്നതും തീരപ്രദേശങ്ങളോടൊപ്പം കാഞ്ഞങ്ങാട് നഗരത്തിന്‍െറ സമഗ്ര പുരോഗതിക്കും വഴിവെക്കുന്നതാണ് മേല്‍പാലം. ഇതിന്‍െറ അനുമതിക്കായി നാട്ടുകാരും ജനപ്രതിനിധികളും കൂട്ടായി നടത്തിയ ശ്രമത്തിന്‍െറ ഫലമായി കഴിഞ്ഞ മൂന്നുവര്‍ഷം മുമ്പാണ് കേന്ദ്രസര്‍ക്കാര്‍ ബജറ്റില്‍ ഒരുകോടി രൂപ വകയിരുത്തി നിര്‍മാണ പ്രവര്‍ത്തനത്തിന് അനുമതി നല്‍കിയത്. തുടര്‍ന്ന് നിര്‍മാണ പ്രവര്‍ത്തനം റോഡ്സ് ആന്‍ഡ് ബ്രിഡ്ജസ് കോര്‍പറേഷന്‍ ഏറ്റെടുത്തു. സര്‍വേ നടപടികള്‍ പൂര്‍ത്തിയാക്കുകയും സ്ഥലം ഏറ്റെടുക്കല്‍ നടപടികള്‍ ആരംഭിക്കുകയും ചെയ്ത ഘട്ടത്തില്‍ പ്രദേശത്തെ ചില സ്ഥലം ഉടമകള്‍ കോടതിയെ സമീപിച്ചതോടെയാണ് മേല്‍പാലം നിര്‍മാണം അനിശ്ചിതത്വത്തിലായത്. ഒടുവില്‍, മേല്‍പാലം നഷ്ടമാകുമെന്ന സ്ഥിതിയാണ് ഉള്ളതെന്നും ഈ സാഹചര്യത്തിലാണ് മേല്‍പാലം യഥാര്‍ഥ്യമാക്കുന്നതിന് ആക്ഷന്‍ കമ്മിറ്റിക്ക് രൂപം നല്‍കുന്നതെന്നും ഭാരവാഹികള്‍ പറഞ്ഞു.
തീവണ്ടികളുടെ എണ്ണം വര്‍ധിച്ചതോടെ കാഞ്ഞങ്ങാട്ടെ മൂന്ന് റെയില്‍വേ ഗേറ്റുകളും അധിക സമയവും അടച്ചിടേണ്ടിവരുന്നുണ്ട്. ഇത് കാരണം തീരപ്രദേശത്തേക്കുള്ള വാഹനയാത്ര അതീവ ദുസ്സഹമാവുകയാണ്. സ്വാമി നിത്യാനന്ദ പോളിടെക്നിക് ആന്‍ഡ് എന്‍ജി. കോളജ്, ഇഖ്ബാല്‍ ഹയര്‍സെക്കന്‍ഡറി സ്കൂള്‍, ഹോസ്ദുര്‍ഗ് കടപ്പുറം, ക്രസന്‍റ് ഹയര്‍സെക്കന്‍ഡറി സ്കൂള്‍ തുടങ്ങി നിരവധി വിദ്യാഭ്യാസ സ്ഥാപനങ്ങളും അജാനൂര്‍ കടപ്പുറം നിര്‍ദിഷ്ട ഫിഷറീസ് തുറമുഖം, മത്സ്യബന്ധന കേന്ദ്രങ്ങള്‍, തീരദേശ ടൂറിസ്റ്റ് കേന്ദ്രങ്ങള്‍, അജാനൂര്‍ കടപ്പുറം കുറുംബ ഭഗവതി ക്ഷേത്രം, സിയാറത്തിങ്കര മഖാം, മുട്ടുന്തല മഖാം തുടങ്ങിയ നിരവധി ഹൈന്ദവ, മുസ്ലിം തീര്‍ഥാടന കേന്ദ്രങ്ങളും ഈ ഭാഗങ്ങളിലാണ് സ്ഥിതി ചെയ്യുന്നത്.
0 comments:
Post a Comment